A estación de Toralla celebra o seu 10º aniversario convertido nun centro nodal europeo

Aínda que abriu as súas portas en xuño de 2006, o xermolo da Estación de Ciencias Mariñas de Toralla, Ecimat, remóntase ao ano 1999, cando o entón vicerreitor de Investigació

“Celebramos 10 anos de vocación mariña”

n e hoxe reitor da Universidade de Vigo, Salustiano Mato, fixo súa a demanda dun grupo de investigadores e investigadoras que solicitaban dispor de instalacións científicas a pé de mar. O actual director da Ecimat, Jesús Souza Troncoso, foi o encargado este venres, no acto conmemorativo do décimo aniversario da estación, de lembrar as súas orixes e a súa evolución ata o momento presente, así como de fixar os retos de futuro aos que se enfronta o centro de investigación mariña. Pero máis aló dos recordos e do que está por chegar, o acto de celebración de, en palabras de Souza, “10 anos de vocación mariña”, estivo protagonizado pola sinatura por parte dos reitores das universidades de Vigo e do País Vasco do convenio para a constitución do nodo español do European Marine Biological Resource Centre, EMBRC, unha das 38 infraestruturas de investigación identificadas pola Comisión Europea como estratéxicas para Europa, que centra a súa actividade na biotecnoloxía azul, disciplina que se ocupa da exploración e explotación dos organismos mariños, co obxectivo de empregar estes e os seus derivados para a identificación, procesamento e desenvolvemento de novos ingredientes e orixe mariño.

Publicidade

Coa sinatura do convenio subscrito por Salustiano Mato e Iñaki Goirizelaia créase a estrutura que representa a España en EMBRC, integrada pola Ecimat e a Estación Marina de Plentzia da UPV/EHU e á que se suman centros de investigación mariña doutros nove países europeos. “Este nodo faranos máis visibles e apetecibles para os investigadores que queiran vir aquí e tamén para que o noso persoal investigador vaia a calquera lugar”, asegurou o reitor da Universidade de Vigo, que manifestou o seu convencemento en que “nos agarda un futuro prometedor”. Pola súa banda, o reitor da UPV/EHU destacou a importancia do convenio asinado hoxe “que establece un marco de traballo e abre grandes posibilidades en tres dimensións: a investigación, a docencia e transferencia”, dixo Goirizelaia.

Á sinatura do convenio seguiulle o descubrimento dunha placa que identifica á Ecimat como integrante como nodo español do EMBRC.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O CIM impulsa a súa presenza na investigación mariña europea

O centro vigués busca converterse nun referente establecendo colaboracións con persoal investigador e institucións internacionais

É posible cultivar ourizo de mar? Un equipo de Vigo busca alternativas para frear a sobreexplotación

Científicos do Centro de Investigacións Mariñas analizan as cinco especies de Galicia, moi pouco estudadas ata o de agora

‘Peiraos do Solpor’: ecosistemas mariños no porto de Vigo

O proxecto con fondos europeos que dirixen científicos da UVigo creará arrecifes artificiais para ver flora e fauna mariña nos peiraos portuarios

O Aquarium da Coruña acolle polbos criados en catividade

Na sala Maremagnum poden verse cinco exemplares de arredor de 10 centímetros, que forman parte dun proxecto do IIM e a UVigo