A Universidade da Coruña mantén a súa posición con respecto ao ano pasado, co posto 650, no ránking de universidades do mundo que elabora THE: Times Higher Education World University Ranking e mellora a súa posición entre as universidades españolas, ocupando o posto 14.
A Universidade inglesa de Oxford encabeza o ránking mundial que contabiliza un total de 980 universidades de todo o mundo. O segundo e o terceiro posto son para as americanas California Institute of Technology e Stanford University. Dentro da clasificación das españolas seleccionadas neste ránking, a Universidade da Coruña sobe catro postos situándose co ordinal 14 dun total de 27 universidades españolas seleccionadas.
A Universidade da Coruña aparece como a mellor clasificada das galegas nesta listaxe mundial. O ránking THE mide a calidade de cada universidade atendendo a catro indicadores: ensinanza, investigación, transferencia de coñecemento e proxección internacional, avaliando un total de 1.200 universidades de todo o mundo. A UDC presenta unha maior posición no indicador de Transferencia coa empresa na que ocupa a posición 650 do mundo.
