Unha vaga de frío trae a primeira nevada do ano a Galicia o domingo

As precidións meteorolóxicas avanzan a entrada de aire polar a partir do sábado pola noite en todo o país

As nevadas foron escasas e de pouca entidade nestas primeiras semanas do inverno. A situación cambiará a partir do sábado | Meteored

Despois dun venres e sábado nos que predominará o tempo estable e os ceos un pouco nubrados e con chuvias dispersas, a últimas horas do sábado, chegará unha fronte por Galicia que impulsará precipitacións. Esa combinación derivará nunha importante baixada de temperaturas e nevadas en cotas medias no norte, entre os 600 e 800 metros, mentres que no centro e sur a neve caerá a partir dos 1.000 metros.

https://twitter.com/MeteoGalicia/status/1613802800315568129

En canto aos ventos, a AEMET sinala que o sábado soprarán fortes en Galicia e na área cantábrica. Xa o domingo, a consecuencia da entrada da fronte atlántica aumentarán do oeste e do noroeste na Península e soprarán e con refachos extremadamente fortes nos litorais de Galicia.

https://twitter.com/AEMET_Esp/status/1613428722157207553

Ruptura do vórtice polar

A ruptura do vórtice polar podería producirse este mes. Isto significa que o verdadeiro inverno podería chegar en febreiro ao noso país. E aínda que é algo cedo para facer previsións meteorolóxicas, esta ruptura do vórtice polar podería traer a España frío extremo e máis nevadas, segundo sinala a Axencia Estatal de Meteoroloxía (AEMET).

Segundo os expertos, o cambio de quincena traerá consigo que o chorro polar presente importantes ondulacións. Isto significa que teremos un tempo máis variable que deixaría a porta aberta a outro tipo de situacións, por exemplo, descolgues. Ademais, os mesmos meteorólogos da AEMET sinalan que “agora si empeza a haber fortes evidencias para un quecemento súbito estratosférico“, polo que se intúe que a ruptura do vórtice polar poda producirse a finais deste mes de xaneiro.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.