Un voitre negro sorprende na cidade de Vigo

Un exemplar adulto de voitre negro (Aegypius monachus) espertou a sorpresa dos veciños do centro de Vigo. A xigantesca ave duns tres metros de envergadura (25 cms máis que o voitre común) foi atopada voando polas rúas céntricas ou nos tellados da zona da praza de España. Semella ser o mesmo exemplar que fora avistado días antes en Panxón (Nigrán).

Este voitre mudou o seu hábitat natural, en fragas de montaña, polas antenas parabólicas dos tellados vigueses. É habitual do Sur de Europa, pero non en Galicia. En España a súa poboación medrou de 200 parellas reprodutoras en 1970 a case mil en 1992. Todo indica que este exemplar abandonou o seu territorio natural que pode chegar ata a provincia de Zamora, na busca de novos territorios. E rematou nas Rías Baixas. O voitre negro habita en xeral en montañas e outeiros arborados, pero voan en campo aberto cando procuran alimento. Son animais solitarios, o que encaixa coa única presenza deste animal.

Publicidade

A realidade é que os voitres están a aumentar a súa presenza en Galicia nos últimos tempos. En especial, hai unha forte colonia establecida na serra do Suído, entre Pontevedra e Ourense, que medra sobre todo en temporada de verán.

Aquí podes ler a nosa recente reportaxe sobre a maior presenza de voitres en Galicia nos últimos anos.

medioambiental/os-voitres-en-galicia-son-para-o-veran/

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Dentro do ‘Odón de Buen’, o buque ‘vigués’ que navega cara á nova campaña científica na Antártida

O oceanográfico construído en Galicia participará por primeira vez nas operacións de apertura das bases españolas do polo sur

Do 100% ao 36% nun trienio: a “preocupante” evolución da seca nos encoros galegos

A serie histórica de Eiras vai en liña coa situación de Cecebre, que marca o seu mínimo dos últimos 15 anos tras reducir case á metade as súas reservas

Cidades nas que vivir

Un estudo analiza os patróns de xentrificación en Vigo, Santiago e A Coruña

Os mapas da xentrificación en Galicia: estes son os barrios máis afectados

Un novo estudo identifica as áreas máis vulnerables en Vigo, A Coruña e Santiago e describe a reconfiguración das tres urbes nun período de seis anos