Transformar metano en CO2: a nova proposta contra o efecto invernadoiro

Un equipo de científicos de Stanford propón o uso de grandes ventiladores para reducir o nivel de CH4, que ten un efecto máis potente ca o outro gas

Ao falarmos de efecto invernadoiro, a case todo o mundo lle vén á cabeza o CO2 (dióxido de carbono), un gas que a actividade humana liberou a atmosfera en grandes cantidades. Porén, outros gases, como o metano (CH4), teñen, nas mesmas proporcións ca o CO2, un impacto maior como axente causante do efecto invernadoiro. Non en tanto, ao estar nunha concentración moitísimo menor na atmosfera (arredor de 200 veces menos) a súa pegada en termos absolutos é menor. Non en tanto, a situación podería empeorar no futuro debido ao aumento de emisións, e os científicos están valorando novos camiños para contarrestar o problema.

Nun comentario publicado esta semana en Nature Sustainability, un grupo de investigadores da Universidade de Stanford propón unha solución rompedora: capturar a maior cantidade posible de metano para transformalo en dióxido de carbono e, deste xeito, reducir o impacto global dos gases de efecto invernadoiro na atmosfera.

Publicidade

Esponxas e ventiladores con zeolita

Coas tecnoloxías actuais, o metano é difícil de capturar da atmosfera debido á súa baixa concentración, pero os investigadores propoñen unha solución: o uso da ceolita, un material que podería actuar como unha esponxa para capturar metano. Xunto a isto, a instalación de ventiladores eléctricos nas zonas de emisión de metano, nos que se utilizarían unha especie de filtros de ceolita, podería xerar as reaccións necesarias de oxidación para formar CO2 a partir de CH4.

Esquema dos ventiladores con ceolita que poderían transformar o metano en dióxido de carbono. Fonte: Jackson, et al. 2019 Nature Sustainability / Ilustración de Stan Coffman.
Esquema dos ventiladores con ceolita que poderían transformar o metano en dióxido de carbono. Fonte: Jackson, et al. 2019 Nature Sustainability / Ilustración de Stan Coffman.

A proposta, por agora, está lonxe de poden materializarse debido aos altos custos. Anteriormente xa se descartou a posibilidade de capturar CO2 da atmosfera debido ao gran desembolso que suporía, pero os riscos asociados ao quecemento global poderían impulsar que se levasen a cabo estes novos proxectos. “As ceolitas e outras tecnoloxías deberían terse en conta e ser avaliadas para reducir as concentracións de metano na atmosfera de 1.860 partes por billón (ppb) a niveis preindustriais de 750 ppb“, expoñen os autores no seu comentario. Engaden que “o obxectivo da restauración atmosférica proporciona un marco positivo para o cambio nun momento no que se necesita desesperadamente a acción climática“.

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Como afectan as chuvias extremas á contaminación na ría de Arousa?

Un modelo da UDC simula a viaxe dos refugallos ata o mar e estuda como as precipitacións intensas axudan no proceso

Cantos días con máis de 35ºC haberá en Galicia a finais de século? Consúltao neste mapa

A provincia de Ourense, Monforte e os vales do Sil e do Miño, serán os que experimenten un ascenso máis acusado

Cambio climático e incendios: as principais ameazas das bolboretas en Galicia

As especies comúns están a salvo a curto prazo, mais os factores antrópicos supoñen un perigo para a preservación destes artrópodos

A UVigo deseña un modelo para predicir os efectos do cambio climático na biodiversidade

Un equipo da Escola de Enxeñaría Forestal de Pontevedra desenvolve un sistema capaz de propoñer melloras que reduzan o risco de incendios e inundacións