Venres 19 Abril 2024

A Limia segue ardendo once meses despois dos incendios

As turbeiras, aínda que pouco coñecidas, son un elemento clave para o ciclo da auga e a retención de carbono para reducir o efecto invernadoiro. Representan a metade do total das zonas húmidas do mundo. Ocupan un 3% da superficie terrestre do planeta, pero almacenan máis carbono que toda a biomasa dos bosques da Terra. E en Galicia, algunhas turbeiras levan moitos meses ardendo.

No entorno da desaparecida lagoa de Antela, na comarca da Limia, houbo un incendio no mes de marzo de 2017. Extinguiuse o lume na superficie, pero non se lle prestou atención ao lume que continuaba baixo a terra. As turbeiras, compostas por depósitos de restos vexetais almacenados durante centos ou miles de anos e colmatados pola auga, poden arder paseniño durante meses se non se actúa sobre elas.

Publicidade

Desde a asociación Amigos das Árbores da Limia reclaman que se apaguen estes lumes, que tamén se produciron en brañas de alta montaña, como nas cabeceiras dos ríos Navea e Arnoia, moi afectadas polos incendios de outubro. Ao arder, as turbeiras perden a súa capacidade de retención de auga e, polo tanto, deixan de nutrir aos caudais dos regatos da zona. E ademais, segundo indica Xosé Santos, membro da asociación ecoloxista, a seca dos últimos anos provocou que o lume puidese adentrarse máis nestas zonas de turbeiras. Todo isto afecta negativamente á calidade dos ecosistemas.

Amais, ao secaren, as turbeiras descompóñense e liberan carbono á atmosfera en forma de CO2. Segundo datos aportados pola convención Ramsar, o acordo internacional para protexer as zonas húmidas do planeta, xa foron drenadas o 15% das turbeiras do planeta. E aínda que só representan o 0,4% da superficie terrestre, son responsables dun 5% das emisións de CO2 con orixe humana.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Cales foron as causas da seca que precedeu aos incendios de Australia? Un equipo de Ourense ten a clave

A investigadora Milica Stojanovic, do grupo EphysLab da UVigo, centrou o seu traballo en analizar as fontes de humidade da zona

As cinzas dos lumes de 2017 poden causar alteracións no plancto costeiro da Vigo

O estudo realizado por investigadores do CIM da Universidade de Vigo centra a súa investigación na escorredura posterior ás queimas

Así devastan os incendios a paisaxe: un estudo revela o seu efecto nos ecosistemas galegos

A tese de Sheila F. Riveiro demostra que o lume favorece as especies exóticas invasoras e despraza as nativas nos montes de Galicia e Portugal

A falsa endemia de malaria e outros intentos para desecar a lagoa de Antela

A partir do século XVIII a zona húmida foi considerada inimiga da agricultura. Os veciños intentaron evitar o desaugamento das terras que utilizaban para o pastoreo