Xoves 18 Xullo 2024

Hoxe chove en Galicia auga do mar Caribe

Se hoxe chegas a casa empapado pola choiva, pensa que, en realidade, te diches un baño no mar Caribe. Quen non se consola é porque non quere, pero a verdade científica é que a auga que nos molla estes días ten a súa orixe no mar que baña Cuba, Cancún ou Santo Domingo na outra banda do Atlántico.

O fenómeno ten un nome: río atmosférico. E o comentario aparecía este mércores a primeira hora no Twitter de Meteogalicia: “parte da chuvia que caerá hoxe evaporouse no Caribe”.

Publicidade

Estes ríos que van polo aire levan máis auga que os grandes ríos da terra, incluido o Amazonas. O termo foi acuñado polos investigadores Reginald Newell e Young Zhu do Instituto Tecnolóxico de Massachusetts ( MIT) a comezos da década de 1990, para reflectir o estreito destas correntes.

Este fenómeno, estudado en profundidade desde hai anos por expertos galegos de MeteoGalicia e a USC, ten unha grande importancia para a climatoloxía debido á gran achega de humidade que trae consigo. Así, os traballos realizados neste senso tiveron un importante impacto internacional.

Publicidade

Un estudo realizado polo grupo Ephyslab, da Universidade de Vigo, determinou que o 90 por cento das choivas intensas que chegan a Galicia proveñen destes ríos atmosféricos. E na Universidade de Santiago, o Grupo de Física Non Lineal, ten estudado as Estruturas Lagrangianas Coherentes, presentes na propia dinámica do vento e que se encargan de conter e transportar o vapor de auga. Estas estruturas serven como unha especie de andamiaxe temporal arredor do que un río atmosférico pode crecer e alongarse.

Existen entre 3 e 5 destas correntes atmosféricas en cada hemisferio en calquera momento do ano. E representan máis do 90% do vapor de auga transportado de norte a sur, aínda que soamente cobren menos do 10% da circunferencia da Terra.

Así que a choiva que te empapa estes días ten a súa orixe na outra punta do Atlántico. Se chegas enchoupado a casa, sempre tes o consolo de que, dalgún xeito, é como se te tiveses bañado no mar Caribe.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O virus hemorráxico Crimea-Congo salta por primeira vez a 13 animais de granxa en Galicia

A carracha 'Hyalomma marginatum' quintuplica a súa presencia no territorio galego e transmite o patóxeno a outras especies en ata oito concellos distintos

Un investigador da UVigo axuda a resolver un dos enigmas dos ciclos das idades de xeo

O achado, que emprega unha técnica analítica que permite datar rexistros paleoclimáticos ata hai 600.000 anos, axudará a prognosticar con maior precisión o clima futuro

A IA predí como será a vida dos pacientes de esclerose múltiple dentro de 10 anos

Investigadores galegos empregan as resonancias magnéticas dos pacientes para prognosticar a evolución da enfermidade autoinmune cunha certeza do 90 %

O CSIC localiza na provincia da Coruña 180 posibles sitios arqueolóxicos

Grazas ás tarefas do Instituto de Ciencias do Patrimonio (INCIPIT), estes achados serán incluídos eventualmente no inventario arqueolóxico de Galicia