Un plan para ‘minimizar os danos’ do oso pardo na serra do Courel. Un total de 1,6 millóns de euros para levar a cabo accións no Espazo Rede Natura Ancares- Courel, que inclúe os concellos de Folgoso do Courel, Quiroga, Samos, Triacastela, As Nogais e Pedrafita do Cebreiro, ademais dos.de Becerreá, Cervantes e Navia de Suarna.
A directora xeral de Patrimonio Natural, Ana María Díaz, sinalou que o obxectivo xeral do proxecto é diminuír os posibles danos causados polo oso e realizarase mediante un control e estudo dos seus asentamentos e hábitats. Así, o plan inclúe mellorar a conectividade e calidade dos espazos nos que vive o oso, especialmente, en zonas de interese, así como mellorar o coñecemento polos actores sociais, o que suporá nunha maior aceptación social.
A directora xeral indicou que as actuación comezarán a executarse ao longo do mes xuño e destacan, entre outras, a plantación de masa arbórea e arbustos autóctonos, a recuperación de fincas para mellorar a calidade dos hábitats, a celebración de xornadas e encontros formativos para fixar unha cultura de sensibilización respecto desta especie, así como medidas de protección fronte a ataques de oso de todos os colmenares da zona de actuación.