A historia de Hunga Tonga é a do abraiante poder da naturaleza. En 2014 esta illa non existía, e a comezos de 2015, unha erupción volcánica acabou formando un montículo desde o fondo mariño que pasou por riba da superficie. As cinzas uniron dous illotes que xa existían previamente, formando unha única illa cun cono volcánico no centro.
A newly formed Tongan island, unofficially known as Hunga Tonga-Hunga Ha’apai, has emerged. It was initially projected to last a few months, but now could have a 30-year lease on life, according to a new NASA study. #AGU17 More: https://t.co/cxFBtmT9Pz pic.twitter.com/VLZfJqm8KN
— NASA Goddard (@NASAGoddard) 11 de diciembre de 2017
E ata alí foron investigadores da NASA para estudala, xa que este tipo de formacións poden achegar detalles, pola súa semellanza, sobre antigos volcáns de Marte. Nos últimos 150 anos, só tres illas desde estilo emerxeron das augas; a máis famosa delas foi a de Surtsey, preto de Islandia, nos anos 60.
“Eramos como nenos cun xoguete entre as mans”, explicou o investigador do centro Goddard da NASA Dan Slayback. Mediante medicións con GPS e exploración con drones, recolleron datos para calcular as dimensións da isla e a súa evolución ao longo do tempo.
Os primeiros cálculos dos científicos apuntaban a que a erosión das ondas e a chuvia acabaría por destruír a illa, pero aconteceu algo inesperado. A dinámica que seguiron as cinzas fixo retroceder a liña de costa de Hunga Tonga nalgúns puntos, pero foron formándose outros bancos de area que compensaron estas perdas e actuaron como dique contra a erosión. As estimacións actuais xa apuntan a que a illa podería sobrevivir varias décadas. Con todo, os investigadores traballan arreo para recoller todos os datos posibles por se a illa se esvaece antes do que se pensa.
Aparece a vexetación
Porén, o máis abraiante co que se atoparon os investigadores cando chegaron a Hunga Tonga foi que apenas catro anos despois de emerxer, xa comezaba a haber vida. Agromaron xa algúns vexetais, posiblemente levados ata a illa por paxaros. E mesmo algunhas aves mariñas, como o carrán escuro (Onychoprion fuscatus), xa formaran niños nalgúns dos cantís da illa.
