Únete á nosa canle de Whatsapp
Malia que Galicia goza dun tempo case de verán neste mes de outubro, o frío xa chama ás portas. Porque a Axencia Estatal de Meteoroloxía (AEMET) anunciou a chegada polo norte “dunha masa de aire moi fría de procedencia practicamente polar”. Vén acompañada de ventos “do norte moi fríos”, o que vai provocar unha “importante baixada das temperaturas” que se vai a notar xa desde o venres pero, sobre todo, ao longo da fin de semana.
De cumprirse os prognósticos, a forte caída das temperaturas en Galicia comezará o venres e vaise manter cando menos o sábado e o domingo.
Variación y valores previstos de t.️mín. y máx. A día de hoy, se apunta un importante descenso↘️ para el sábado. Empieza a pensar dónde tienes el . Actualiza info cada día en https://t.co/0T9nJSnMnD pic.twitter.com/G8B2sVsGFA
— AEMET (@AEMET_Esp) 22 de octubre de 2018
A predición a medio prazo tamén afirma que podería nevar en cotas altas do país, especialmente nas montañas de Lugo, aínda que non se espera que estas primeiras folerpas do outono pasen dunha anécdota.
Tras a entrada desta xélida masa de aire polar a vindeira fin de semana, o anticiclón retiraríase cara ao sur, deixando a Galicia exposta a un corredor polo que comezarían a entrar trenes de borrascas. Con iso, a situación do outono sería máis habitual, tendo en conta que outubro adoita ser un dos meses máis chuviosos do ano, pero que desta volta permitiu que se alcanzasen ata os 28 graos en varias localidades.
