Aviso amarelo en terra e laranxa no mar para este mércores pola entrada este mercores dunha forte borrasca en Galicia. Esta nova fronte traerá choivas intensas con máis de 40 litros por metro cadrado en toda a provincia de Pontevedra, montaña de Lugo e Oeste da provincia da Coruña, ademais de fortes refachos de vento que serán superiores aos 80 km/h na costa coruñesa e na Mariña lucense.
Aínda non pasou unha fronte, e xa está a outra querendo entrar. Na imaxe do satélite vemos como a fronte de hoxe, de moi lento avance, segue estancada mentras que no Atlántico xa se formou a seguinte, chegará mañá pola mañá. Luns de inestabilidade e chuvascos e semana Outonal! pic.twitter.com/TkOcmgLQte
— Redmeteo (@RedmeteoP) October 13, 2019
Segundo Meteogalicia, a nova borrasca impactará en Galicia a primeiras horas da mañá do mércores. E a partir do xoves espérase unha nova baixa das temperaturas en todo o país.
Galicia quedará na influencia dunha borrasca situada en Irlanda que enviará varias frontes durante a fin de semana. Así, a probabilidade de precipitación será alta en toda a Comunidade, con descenso das temperaturas xa que entrará aire frío dende o norte.
O luns será unha xornada de transición, aínda con algún chuvasco e a partir do martes Galicia quedará na influencia das altas presións, con moi baixa probabilidade de precipitación e progresivo ascenso das temperaturas.