Únete á nosa canle de Whatsapp
A alerta laranxa esténdese en Galicia ata o vindeiro xoves incluído e avanza ata ocupar por completo as provincias da Coruña e Pontevedra, que xa están a rexistrar fortes ventos.
A Axencia Estatal de Meteoroloxía (AEMET) ampliou hoxe o seu aviso, que tamén será amarelo nas provincias de Lugo e Ourense polos fortes ventos previstos.
Unha nova fronte chega este martes pola noite, con máis vento e choivas, e deixará a primeiras horas da mañá do mércores chuvascos, localmente fortes, así como refachos de vento moi fortes, especialmente na metade occidental da comunidade.
O 112 Galicia emitiu unha alerta laranxa tanto polo vento como por fenómenos costeiros, con grande ondada en todo o litoral galego. A axencia de emerxencias advirte dun “fenómeno meteorolóxico adverso de nivel LARANXA (risco importante) por vento do Suroeste”, e sinala a costa da Coruña e da Mariña lucense como as máis afectadas. Ademais, emitiu consellos para a cidadanía como afastarse de lugares onde poidan caer obxectos, non subir a lugares altos e conducir con especial precaución. O organismo prevé que o fenómeno poida incluir a caída de árbores e mobiliario urbano.
Aquí podes consultar os avisos da AEMET
e aquí a alerta do 112 Galicia
