Xoves 28 Marzo 2024

É posible cultivar aguacates en Galicia?

Os aguacates, ou abacates, son uns froitos de moda. A súa presenza en numerosas dietas e receitas espertou o interese deste produto no noso país grazas ás súas propiedades nutricionais. A súa árbore, orixinaria de América Central e México, ten dificultades para medrar no noso clima, o que incrementa o seu prezo de venda, pero iso podería ser cuestión de tempo.

O proxecto tamén cultivará maceiras para a produción de sidra

Un equipo de investigadores do Campus Terra da USC, entre os que figuran os profesores do Departamento de Enxeñaría Agroforestal  Xesús Pablo González Vázquez e Javier J. Cancela Barrio, forman parte do grupo operativo liderado pola sociedade agraria de transformación Vivaz Plant, con sede en Tomiño, e orientado a fomentar a xestión sustentable de recursos naturais baseándose no cultivo de maceiras e aguacates en Galicia.

Publicidade

O proxecto conta tamén coa participación do Grupo Eco3g Consultores, en calidade de axente de innovación e co Centro Tecnolóxico da Carne (CTC), ademais dos xa citados investigadores do Departamento de Enxeñaría Agroforestal da USC, que actuarán como centro de investigación experto.

Plantación de aguacates de Vivaz Plant. Foto: USC.
Plantación de aguacates de Vivaz Plant. Foto: USC.

O grupo operativo posto en marcha pola sociedade Vivaz Plant ten cultivadas unas 6.000 plantas de maceiras para sidra, repartidas en 7,3 hectáreas, e 700 plantas de aguacates noutra parcela de 200 hectáreas.

O obxectivo fundamental deste proxecto é a implantación, desenvolvemento, aumento produtivo e a comercialización estable de maceiras de variedades autóctonas para produción de sidra 100% de orixe galega e aguacates para consumo en fresco mediante técnicas innovadoras e respectuosas co medio ambiente dentro dunha contorna rural actualmente infrautilizada. Este proxecto busca achar a través da mazá e do aguacate vías innovadoras de desenvolvemento que contribúan a modernizar e a proporcionar maior competitividade e innovación ao sector rural galego.

A constitución deste grupo operativo espera poder desenvolver un proxecto que faga posible xerar produtos propios singulares en base ao aguacate e á mazá que resulten competitivos en rendibilidade económica e calidade no mercado global. Desenvolver proxectos de I+D arredor destes produtos, achegar ao medio rural galego ferramentas para o desenvolvemento autónomo e económico coa máxima sustentabilidade son outros dos cometidos desta iniciativa.

 

2 COMENTÁRIOS

  1. Acabo de ler a noticia.
    Na miña casa en Rianxo, hai máis de 30 anos que comemos aguacates da horta. No momento fomos pioneiros (creo) pola emigración a Venezuela. A Dia de hoxe xa vexo en bastantes casas. Danse e moi ben, pel de sapo máis pequenos, e lisos grandes e abundantes.
    A modo de curiosidade, dicir que esas e plantas orixinais tiveron que ser taladas pola súa enorme dimensión. Cun diámetro de máis de 70 cm e máis 12 metros de alto

  2. A ver si dejan de investigar cosas que de todos los labregos galegos é sabido. En Abegondo hay un par de ellos y en muchas más partes de la región… Mejor que se dediquen a averiguar otro tipo de cultivos.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Gciencia celebra o Día da Lingua Materna cun relatorio sobre a divulgación en galego

A xornalista Laura Filloy abordou a importancia de trasladar o coñecemento científico á sociedade nun acto celebrado no Campus de Lugo da USC

Atopado o talón de Aquiles da rata toupa, a praga que azouta a montaña luguesa

O estudo do órgano vomeronasal deste mamífero subterráneo avala o uso de químicos para diminuír a súa poboación e frear o seu impacto na agricultura

Os cubículos e corredores reducidos nas granxas de Lugo afectan a produción de leite

A tese de Sonia Verdes Gil conclúe que as superficies incómodas prexudican a saúde e a hixiene das vacas

A USC investiga novos produtos naturais para loitar contra a avespiña do castiñeiro

Un equipo de Lugo traballa no proxecto 'Go Delicias' co obxectivo de identificar e desenvolver as defensas da árbore fronte ao insecto