A Xunta mata a máis de 52.000 visóns nunha granxa da Coruña por un gromo de gripe aviaria

Medio Rural deu aviso ás autoridades de Saúde Pública e prohibiu a entrada e saída de persoas alleas á explotación do Concello de Carral

A Consellería do Medio Rural vén de anunciar a decisión de matar a máis de 50.000 visóns tras o descubrimento dun foco de gripe aviaria nunha granxa no concello coruñés de Carral. Segundo a información oficial da Xunta de Galicia trátase dun subtipo de virus que está a ser habitual nos casos atopados ao longo de todo o Estado español en aves domésticas e tamén silvestres.

Os traballadores desta granxa de cría foron notando, esta semana e a anterior, que algúns dos animais tiñan doenzas respiratorias e que a mortalidade entre os mamíferos estaba subindo por riba da media. Nese momento, a empresa procedeu a realizar probas de detección de diferentes enfermidades víricas, incluída a covid-19, ata que acharon que, efectivamente, o gromo era de gripe aviaria.

Publicidade

Esta granxa coruñesa ten 8.369 femias reprodutoras e 43.617 crías destetadas. Todas elas, máis de 52.000 animais serán executados esta semana polos servizos veterinarios da Consellería do Medio Rural. Ademais, como medida de protección e prevención, a consellería do ramo ordenou a prohibición de entrada e saída de animais e doutros materiais que puidesen transportar o virus e o censado dos animais presentes. Tamén limitou a entrada e saída de persoal ao centro.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:00:16

A maioría dos ‘pellets’ xa alcanzaron a costa seis meses despois do accidente do ‘Toconao’

Un equipo de Canarias crea unha simulación da marea de bólas plásticas, que tamén chegaron a outras zonas do norte de España e ao oeste de Francia

Sanidade detecta en 21 concellos a carracha que transmite o perigoso virus Crimea-Congo

A Xunta reforza a vixilancia pola aparición de casos no Bierzo pero sen constancia de que o patóxeno chegase a Galicia

Gripe H5N1: a próxima pandemia?

Unha variante do virus, presente dende 2020, está a causar mortalidades nunca vistas en aves, tanto domésticas como silvestres

Convocado o IX Premio de Xornalismo Científico Celia Brañas

Os traballos poden enviarse a partir do 15 de abril. A dotación económica do galardón será de 5.000 euros, cun accésit para o segundo mellor valorado