A borrasca Erik entra en Galicia este sábado e continuará durante as primeiras horas do domingo con fortes ventos e deixando importantes precipitacións, que activaron o aviso amarelo tanto na costa como en amplas zonas do país.
O aviso inclúe este domingo todo o litoral atlántico e cantábrico, a práctica totalidade do interior da provincia de Pontevedra e as zonas orientais das provincias de Lugo e Ourense.
Bos días! Que bonita esta mañá a imaxe do Meteosat 🛰️na que vemos a borrasca Erik, nomeada polos colegas irlandeses. Galicia está no límite do seu radio de acción. Notaremos algo de chuvia 🌦️e máis vento pola tarde, con intervalos fortes no litoral e zonas altas do interior. pic.twitter.com/6sM84NQzSR
— MeteoGalicia (@MeteoGalicia) 8 de febrero de 2019
A parte central de Erik non impactará directamente contra Galicia, pasando por latitudes máis altas, para afectar especialmente a Irlanda. Pero son os bordes desta borrasca os que deixarán unha situación moi inestable no país. Na noite do sábado ao domingo veremos unhas horas de vento forte do sur e chuvia intensa para despois entrar rapidamente o domingo á tarde na zona de aire frío que vén detrás, con apertura de claros e pouco vento.
Aquí podes descargar o aviso meteorolóxico amarelo de Meteogalicia
