839 especies habitan xa o lago artificial de Meirama

meirama
O lago de Meirama, na antuga explotación de lignito.

Un gran lago artificial ocupa xa o enorme oco que deixou a explotación de lignito de Meirama (Cerceda). Sobre unha superficie de 1.000 hectáreas, Gas Natural Fenosa superou o 85% de enchedura, ata xuntar unha gran masa acuática de 150 hectómetros cúbicos e cumprir así un proxecto de rehabilitación de terreos valorado en 60 millóns de euros, e que iniciou en 2008, cando finalizou a actividade extractiva. Sete anos despois, un estudo de biodiversidade na zona identificou ata o momento 839 especies, entre as que se contan algunhas con especial valor de conservación.
Para a recuperación da biodiversidade, recorreuse á diversificación de especies dentro dos grupos máis produtivos, que serven como proba de adaptación das devanditas especies e para a xeración de chans. Ademais estanse a reservar algunhas masas forestais de rexeneración natural co propósito de dispoñer dun ecosistema natural, e contribuír con iso á conservación de hábitats e das súas especies asociadas. Fenosa plantou tamén máis de 450.000 árbores, cun total de 400 hectáreas reforestar e máis de 730 hectáreas rehabilitadas.

Fenosa finalizará en 2016 a xeración dunha gran masa de 150 hectómetros cúbicos de auga

Son datos que figuran no libro La biodiversidad en el lago de la mina de Meirama y su entorno, promovido e editado pola compañía enerxética e presentado este venres polo director xeral de Global Power Generation, filial para o desenvolvemento de xeración eléctrica de Gas Natural Fenosa, Javier Fernández Martínez, e a directora de Operacións de Recursos Naturais da compañía, Ana María Jardón Cavero. Ao acto asistiron a conselleira de Medio Ambiente, Ethel Vázquez, e o director da Estación de Hidrobioloxía de la Universidade de Santiago de CompostelaFernando Cobo.
A publicación, que se fixo coincidir con Día Internacional da Diversidade Biolóxica, ilustra, con fotografías tomadas na área de estudo, os resultados da avaliación da biodiversidade no lago resultante da rehabilitación do oco mineiro e o seu ámbito máis próximo. Os resultados foron obtidos tras o exhaustivo inventario zoolóxico e botánico levado a cabo polo equipo de especialistas da Estación de Hidrobioloxía Encoro do Con, da universidade compostelá.
A compañía prosegue actualmente coa enchedura do lago no antigo oco da súa explotación de lignito, que de acordo ao proxecto impulsado por Augas de Galicia servirá como futuro reservorio de auga para o municipio da Coruña e ámbito. Está previsto que a enchedura finalice no primeiro semestre de 2016.
O primeiro proxecto de restauración da explotación mineira e recuperación ambiental do espazo afectado data de 1985. A xestión realizada, que integra dende o inicio a rehabilitación ambiental na explotación do depósito, foi clave para alcanzar os resultados actuais só uns anos máis tarde do cesamento da actividade extractiva.

1 comentario

  1. Eu cando leo esta noticia, lémbrome do rebumbio que no seu día montaron certas asociacións ecoloxistas cunhas previsións do máis catastrofistas sobre o que podería pasar de levarse a cabo o proxecto. Naquel momento preguntábame que si todo era tan malo, ¿como podería ser que pasasen os trámites ambientais?.
    Bueno, anos despois o proxecto parece ser que leva premios. ¿Onde están os noutrora…”xenios” que en plan Nostradamus aventurabam unha nefasta actuación????.
    E que conste que nin son da empresa, nen cliente siquiera….soamente alguén abraiao por tan dispares interpretacións dunha realidade.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.