A Asociación pola Liberdade Afectivo-Sexual (Alas A Coruña) e os Museos Científicos Coruñeses organizan para o vindeiro venres 12 de outubro unha xornada de divulgación (Divulgatón) sobre a identidade de xénero, dirixida a persoas de entre 16 e 25 anos.
A actividade, que terá lugar de 10 a 20 horas na Domus da Coruña, terá lugar mediante a metodoloxía do que se coñece como ‘hackaton’, ou competición colaborativa, na que se abordará a temática da identidade de xénero desde unha perspectiva científica, social e cultura.
Os grupos de traballo desenvolverán unha iniciativa, que poderá ser unha actividade, módulo ou publicación, que podería desenvolverse na Domus en torno á temática da identidade de xénero. Ao acabar o evento, todos os grupos expoñerán o seu proxecto e unha das ideas será seleccionada para ser executada.
A asociación Alas A Coruña, que desenvolve a súa actividade desde hai varios anos, avoga pola defensa dos dereitos das persoas LGTB, denunciando a través dos medios de comunicación e mediante actos públicos os casos de discriminación e marxinación que sofren, así como ofrecer apoio e información a quen o solicite. Para máis información, pódese consultar a súa páxina en Facebook.
Para participar é preciso preinscribirse a través de formulario electrónico o mércores 3 de outubro, dispoñible na dirección https://goo.gl/forms/