O Aquarium Finisterrae da Coruña, en colaboración co colectivo artístico RetoqueRetro, organiza cinco obradoiros de arte sostible no que as persoas participantes poderán elaborar pequenas esculturas e outras obras artísticas utilizando residuos e lixo plástico recuperado das praias galegas. Quen participe tamén pode levar de casa material plástico de refugallo (tapóns, botellas, recipientes, etc.), convenientemente lavado, que poderán utilizar para elaborar as esculturas.
As esculturas realizadas nos obradoiros serán expostas nunha mostra no Aquarium
Esta actividade está vinculada á produción de contidos para unha exposición no Aquarium Finisterrae. As esculturas elaboradas uniranse para construír o módulo principal da exposición.
Os obradoiros estarán dirixidos por artistas de Retoque Retro, e están destinados a público familiar, con nenas e nenos a partir de 12 anos. Celebraranse na Sala Cornide do Aquarium Finisterrae os días 13 e 20 de outubro e 10, 17 e 24 de novembro de 2018, de 10:30 a 13:30 horas.
Para participar nos obradoiros hai que realizar unha preinscrición a través do formulario electrónico dispoñible esta ligazón, que abrirá ás 10:00 horas do luns 8 de outubro.
As persoas inscritas deberán abonar só o prezo de entrada ao Aquarium (excepto titulares de Tarxeta 20 e membros da Asociación de Amigos da Casa das Ciencias), xa que é unha actividade sen custo adicional.
