Dous caldeiróns apareceron esta fin de semana varados na praia da Lanzada e no Grove. Os exemplares foron recollidos pola Coordinadora para o Estudo dos Mamíferos Mariños (Cemma). Estes dous caldeiróns (Glopicephala melas) vararon moi preto un do outro e, segundo a Cemma, presentaban un bo estado de saúde xeral “e con carga parasitaria moderada”. Eran un cachorro de 3 metros de lonxitude (A Lanzada) e unha femia de 4,5 metros (en Porto Meloxo).
Os expertos da Cemma salientan que un dos exemplares “presentaba un forte traumatismo cefálico e indicios de morte por asfixia. Estamos pendentes das conclusións do equipo veterinario en base ás análises das mostras“. O equipo da Rede de Varamentos, coa Unidade móbil da CEMMA, recolleron datos e mostras biolóxicas para determinar con exactitude as causas da morte.
Esto e una injusticia contra os animales non e normal estar sangrando ata morrer