Unha balea converteuse esta semana en toda unha atracción para os mariñeiros fronte ao faro de San Cibrao, en Cervo (Lugo). O vídeo foi difundido polo propio Concello de Cervo. E foi alertada a Coordinadora para o Estudo dos Mamíferos Mariños (CEMMA), aínda que a presenza de baleas na costa galega non é un feito illado.
Noutros tempos, era moi habitual atopar na costa de Galicia estes xigantes. De feito, moi preto de San Cibrao, no municipio de Xove, houbo unha factoría baleeira, contruida por Massó Hermanos, que operou na segunda metade do século XX.
Publicidade
