O IEO amosa os segredos do mar aos máis cativos

O Centro Oceanográfico de Vigo (IEO) conmemora os seus 100 anos de historia. Naceu en 1917, cando a crise da sardiña chegaba ás rías galegas. E continúan a celebrar o seu aniversario no museo do MARCO de Vigo, compartindo con pequenos e maiores o seu traballo.

O obxectivo de “Viaxe ó Centro do Oceanográfico” é “mostrar á poboación as tarefas que desenvolvemos na investigación pesqueira e investigación mariña no Centro Oceanográfico de Vigo. Co gallo do noso centenario, o que fixemos foi traer o centro de forma representativa en forma de minilaboratorios ao Marco”, explica a bióloga do IEO na área de pesquería, María Sainza. “Queremos amosar aos escolares, e á poboación en xeral, que tipo de traballo desenvolvemos e que saídas ten o noso traballo nunha cidade tan mariñeira como é Vigo”.

Publicidade

Alumnos de Primaria observan as curiosidades do mar
Alumnos de Primaria observan as curiosidades do mar

Existe unha gran ignorancia da poboación sobre as funcións deste instituto: “hai un gran descoñecemento do traballo que se desenvolve no centro. A xente que vén queda moi sorprendida das cousas que facemos, descobren o mar, tan cercano aquí e que, non obstante, é un gran descoñecido para unha gran parte de poboación. Facelo no MARCO supón achegarse a un maior número de persoas que, moitas delas, descoñecen a existencia do IEO” asegura a bióloga. A súa actual directora, Victoria Besada, e varios investigadores do centro, participan nestes obradoiros.

O centro está situado no Cabo Estai-Canido e consta de dous edificios: un principal e un módulo de experiencias biolóxicas, dedicado principalmente á investigación sobre o cultivo dos peixes. Grazas á súa labor, ofrecen información clave para a sostenibilidade mariña e o seu coidado.

Nos seus obradoiros, o público terá a oportunidade de ver os ecosistemas mariños, a acuicultura, a pesca, a oceanografía e a contaminación. O que máis chama a atención da exposición é “todo o que sexa ver polo microscopio as curiosidades dos peixes” di Sainza.

A entrada á exposición é libre e apta para todos os públicos, dende os máis pequenos ata os máis maiores. Os cativos teñen a posibilidade de resolver todas as súas inquedanzas cunha perspectiva diferente do mar, descubrindo todo o que lle rodea. Pola súa parte, os adultos poden atopar respostas a todas as súas dúbidas dunha forma máis interactiva.

Os minilaboratorios estarán abertos ata o vindeiro 29 de abril de martes a xoves e os sábados pola mañá. Os horarios para as visitas de Educación Primaria son de 10:30 a 13:30; e para o público xeral de 17:30 a 20:30h, excepto os sábados que o seu horario é de 10:30 a 13:30.

1 comentario

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Un estudo revela novas claves para anticipar as floracións tóxicas que afectan as rías galegas

Unha tese do IEO-CSIC afonda na bioloxía dunha microalga e nos factores ambientais que condicionan as súas proliferacións

Documentadas por primeira vez en Galicia dúas especies mariñas de augas cálidas

A detección de cinco sardinelas lombudas e un ermitán vermello grande aporta nova evidencia sobre os cambios na distribución de especies no Atlántico

Vigo rexistra as maiores concentracións de “contaminantes eternos” da costa atlántica peninsular

Un estudo do IEO-CSIC analiza a presenza de PFAS en mostras de moluscos recollidos dende Francia ata o Golfo de Cádiz

Un estudo alerta do declive de catro peixes migratorios en Galicia: “Ningunha das súas pesquerías é sostible”

Unha investigación recolle datos de 1997 a 2026 e certifica a drástica caída das poboacións de zamborca, lamprea, solla e anguía