Venres 29 Marzo 2024

O tiburón, na lista vermella

Un novo informe da Unión Internacional para a Conservación da Natureza e a Comisión Europea sinala á sobrepesca como o maior perigo para os peixes mariños europeos en risco de extinción, xa que afecta a 58 das 59 especies clasificadas en perigo de extinción. A familia das quenllas e as raias é a que se encontra nunha situación máis crítica.
“Os resultados amosan as enormes repercusións da mala xestión pesqueira da UE. O cumprimento da lexislación é o único modo de garantir stocks saudables e a propia existencia da gran diversidade de especies”, afirma Lasse Gustavsson, director executivo en Europa de Oceana, unha das ONGs que colaboraron no informe.

O tiburón, un depredador agora ameazado.
O tiburón, un depredador agora ameazado.

O grupo en situación máis crítica son os condrictios -peixes cartilaxinosos como os tiburóns e as raias- co 40,4% das especies en risco de extinción, dentro das cales o 39,7% sofren un descenso na poboación. Esta circunstancia sinala directamente a Galicia, xa que Vigo é o maior porto do mundo en exportacións de aleta de tiburón. De feito, calcúlase que o 50 por cento das capturas de quenllas as fai a frota galega. O mercado asiático, onde son moi aprezados, é o principal destino, con Hong Kong e China como principais destinos.
A industria pesqueria galega segue as moi estritas normas da Unión Europea, que prohiben a práctica do ‘finning‘, consistente en cortas as aletas do tiburón en alta mar. Os barcos galegos traen as quenllas enteiras, co que se tenta reducir a súa explotación, aínda que a medida é regularmente contestada e recurrida polos armadores ante as instancias comunitarias, aducindo que hai frotas pesqueiras asiáticas que non respectan a mesma norma.
Para dar unha idea do volume de tiburóns que comercializa Vigo, nos últimos anos subastáronse na lonxa do Berbés case 3.000 toneladas anuais, cun precio por riba dos 6 millóns de euros. Boa parte destas subastas corresponden a buques portugueses que escollen Vigo para desembarcar.
A diferenza de prezo entre a aleta e o resto do corpo do tiburón é astronómica. Algúns proxectos científicos tentan aproveitar os descartes. Un bó exemplo é a investigación que desenvolve a Universidade de Vigo para empregar os dentes de tiburón para implantes dentais en humanos.

O informe alerta tamén sobre especies comerciais como a gallineta

Ademais da alerta sobre os tiburóns, outros exemplares clasificados como ameazados son especies comerciais de profundidade, como o granadeiro e a gallineta, o abadexo, e peixes planos como o fletán atlántico e o rodaballo.
Ademais da sobrepesca, a construción costeira, a produción de enerxía, a minaría e a contaminación son as principais ameazas para os peixes. O informe destaca ademais que o Mediterráneo é o mar onde se encontra o maior número de especies ameazadas, ademais do litoral oeste da península ibérica, nomeadamente Galicia, e as illas portuguesas e españolas próximas á costa occidental de África.
A nova Lista Vermella é a avaliación máis completa que se realizou ata a data e inclúe 1.220 especies mariñas, a totalidade das que se atopan en augas europeas. En conxunto, o informe sinala que o 7,5% dos peixes mariños están ameazados de extinción na UE. Non obstante, esta cifra podería ser moito máis elevada, xa que a información é insuficiente para máis do 20% das especies.
Esta eiva nos datos tamén afecta aos estudos sobre a tendencia poboacional, pois o 68,4% das especies non puideron ser avaliadas. Das si analizadas, o 8,4% encóntranse en declive, o 21,5% son estables e o 1,7% están a crecer.

Publicidade

Podes consultar o informe da Comisión Europea
Neste enlace da European Red List of Marine Fishes

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un proxecto europeo busca reducir a captura accidental de especies protexidas no Atlántico

Investigadoras do IEO liderarán un dos casos de estudo dirixido a mitigar a captura de quenllas e tiburóns nas pesqueiras de atún

Crean en Vigo un mapa de biodiversidade costeira a partir de 11.000 chíos

A análise da información recompilada na rede X permite, cun baixo custo, complementar os programas existentes de vixilancia

Que é o colapso das correntes atlánticas e como afectará a Galicia

Unha investigación publicada en 'Science Advances' anticipa o freo da ciruclación oceánica e advirte das súas consecuencias climáticas

O déficit de transporte de humidade do Atlántico triplica a posibilidade de seca en Galicia

A investigación realizada na Universidade de Vigo foi publicada na revista ‘Nature Water’