A Uvigo desenvolve un dispositivo para detectar verteduras de hidrocarburos

Óscar Sampedro, un dos investigadores do aparato
Óscar Sampedro, un dos investigadores do aparato

Investigadores do Departamento de Física Aplicada da Universidade de Vigo desenvolven un sensor de baixo custe que permite a detección de hidrocarburos vertidos en auga e a identificación de que tipo de cru se trata. O dispositivo está deseñado para flotar na superficie, dende onde se podería controlar unha área susceptible de contaminación ou seguir a evolución dun derrame nunha zona concreta.

A detección temperá dun desprendemento de hidrocarburos pode resultar de crucial importancia para dar unha resposta que, na medida do posible, permita evitar a mestura progresiva do cru coa auga, que fai máis difícil e ineficiente a súa limpeza posterior. Ademáis, coñecer o tipo de hidrocarburo da vertedura permite dar unha resposta máis específica á hora de contrarrestar a contaminación provocada.

O sensor tamén permite identificar a tipoloxía do cru.
O sensor tamén permite identificar a tipoloxía do cru.

As características do dispositivo publicáronse na revista Applied Optics, publicación da Optical Society of America OSA. O artigo, titulado Remote photonic sensor to detect crude and refined oil, está asinado por dous investigadores, o enxeñeiro de Telecomunicación Óscar Sampedro, e o físico e docente da Escola de Enxeñería Aeronáutica e do Espazo José Ramón Salgueiro, ambos da Universidade de Vigo. No marco da investigación realizada, resumen os investigadores, “desenvolveuse un sensor de baixo custo que permite a detección de hidrocarburos vertidos en auga, así como a súa identificación para coñecer que tipo de hidrocarburo é”. Aínda que de momento só se fixeron probas en laboratorio, engaden, o dispositivo podería utilizarse para a monitorización de áreas mariñas con risco de sufrir verteduras ou para o propio seguimento dun derrame.

O aparato, detallan Sampedro e Salgueiro, utiliza o fenómeno de fluorescencia para a detección e a identificación. Explican que moitas substancias presentan a propiedade de absorber luz dunha determinada frecuencia (ultravioleta no caso dos hidrocarburos) e remitila despois cunha frecuencia máis baixa.

Durante o desenvolvemento do proxecto, os investigadores recrearon no laboratorio as condicións dunha vertedura de petróleo na auga para probar o dispositivo. “As probas realizadas permitiron distinguir entre tres tipos diferentes de cru (morichal, maia e ecofisk) proporcionados pola compañía Repsol, así coma dous tipos de refinados (gasolina e gasóleo), pero é esperable que o sistema permita distinguir entre outros moitos”.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.