Venres 29 Marzo 2024

A importancia das pradeiras submarinas

“Comprender as dinámicas espaciais no uso do mar é clave non só en canto á localización de problemas e recursos, senón tamén no deseño de medidas máis realistas”. Esta advertencia faina Leticia Bas Ventín na súa tese de doutoramento defendida na Facultade de Ciencias Políticas na que investigou as dimensións ecolóxica, social e institucional das interaccións entre as pradeiras mariñas –zonas submariñas cubertas de plantas– e as actividades humanas no espazo Rede Natura 2000 da Enseada de San Simón.

Na investigación demóstrase a complexidade das interaccións entre pradeiras mariñas e actividades humanas. As primeiras xogan un papel importante no mantemento de pesqueiras, o que repercute no benestar da poboación local, mais á vez detéctase unha situación conflitiva en relación á actividade marisqueira. Por unha banda, a presenza desas pradeiras pode contribuír positivamente á produtividade dos bancos marisqueiros aínda que un modelo de explotación baseado na transformación do espazo mariño supón unha ameaza para a preservación da flora que nela habita. Por outra, existe unha situación de conflito de intereses entre as regulacións e planificacións que promoven a conservación dos valores naturais e as que regulan a explotación dos recursos pesqueiros e marisqueiros. De feito, a investigadora constata que esas pradeiras soen quedar á marxe da toma de decisións na xestión do medio mariño.

Publicidade

Por iso, apunta Leticia Bas, “para alcanzar un sistema de xestión máis sustentable é necesario desenvolver procesos participativos exploratorios cos que identificar a natureza multifuncional das pradeiras mariñas”. O coñecemento local sobre os valores, aspiracións e uso espacial deses recursos “favorecerá así o deseño de medidas de xestión adaptadas á complexidade coa que os humanos interaccionan coas pradeiras”, apunta.

A tese ‘Hacia la integración del capital natural en la planificación marino-costera a través de procesos participativos: el caso de las praderas marinas’, desenvolvida no marco do Programa de Ciencias Mariñas, Tecnoloxía e Xestión de Campus do Mar, estivo dirixida polos profesores Sebastian Villasante (USC) e Jesús Troncoso (UVigo).

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Crean en Vigo un mapa de biodiversidade costeira a partir de 11.000 chíos

A análise da información recompilada na rede X permite, cun baixo custo, complementar os programas existentes de vixilancia
00:00:22

Ibai, Luceira e Lula: as tres tartarugas que vararan en Galicia volven ao mar

Despois de pasar por un centro de recuperación e expulsar todos os plásticos do tracto dixestivo poden regresar ao océano
00:02:51

As mariscadoras pensan en abandonar o mar: o marisco non medra ou morre

As rías experimentan unha caída da produción derivada da sobreexplotación e o cambio climático. Nas últimas semanas a situación agravouse polas riadas

A borrasca Domingos bate o récord de altura significante de onda de Portos do Estado

A boia de Estaca de Bares na Coruña rexistrou 13,95 metros (Hs) o sábado 4 de novembro, o que representa a media da terceira parte das ondas máis altas