Por que algúns maiores de 90 non teñen demencia? Un equipo de Santiago busca a resposta

O IDIS pide voluntarios para a realización dun ensaio non invasivo que pretende analizar o cerebro de nonaxenarios sen deterioración cognitiva

En que se diferenza o cerebro das persoas maiores de 90 anos que resisten sen ningún tipo de demencia nin deterioración cognitiva daquelas que presentan síntomas? Un equipo do Instituto de Investigación Sanitaria de Santiago de Compostela (IDIS) trata de buscar a resposta a través dun ensaio non invasivo. Segundo explican dende o centro, o estudo dividiríase en dous pasos: unha primeira valoración neuropsicolóxica de 30 minutos de duración na que os expertos valorarán tanto a memoria como outras habilidades dos participantes; o segundo, a realización dunha resonancia e dous TAC, tamén de 30 minutos cada proba.

Para a realización do ensaio o IDIS precisa de voluntarios que recibirán unha información detallada sobre o estado de saúde do seu cerebro e o resultado das súas probas. Así mesmo, os participantes só necesitarán manterse en repouso na padiola durante a duración das probas. Finalmente, cos resultados obtidos no ensaio elaborarase un estudo para identificar os motivos polos que as persoas maiores de 90 anos resisten cun sistema cognitivo intacto fronte a aquelas que desenvolven demencias ou enfermidades como o alzhéimer.

Publicidade

O estudo PET90+, que así se denomina a iniciativa do IDIS, é un proxecto conxunto dos dous servizos do CHUS, o Servizo de Medicina Nuclear, dirixido por Virginia Pubul, e o Servizo de Neuroloxía, liderado por José María Prieto. No proxecto tamén participan o profesor da Facultade de Medicina da Universidade de Santiago de Compostela Pablo Aguiar, como coordinador, e os investigadores José Manuel Aldrey, Juan Pías-Peleteiro, Julia Cortés e Marta Gil, ademais dos investigadores Tomás Sobrino e Laura Vázquez do Grupo Laboratorio de Neuroenvellecemento do IDIS.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Galicia participa nun estudo internacional que sinala o músculo esquelético como clave na adaptación ao frío

O traballo vincula a falta de α-actinina-3 á resistencia fronte ás baixas temperaturas, vinculado a unha variante xenética que portan 1.500 millóns de persoas

Un estudo do IDIS identifica proteínas asociadas coa arritmia sostida máis frecuente na poboación

O traballo, dirixido por Sonia Eiras, recibe o premio á mellor comunicación oral do Congreso da Sociedade Española de Cardioloxía 2026

O ictus vai máis alá das portas do hospital

Actuar rapidamente salva vidas, pero tamén é importante acompañar as persoas afectadas moito despois da fase aguda. Por Francisco Campos

Da diabetes a novos biomarcadores: así serán os temas do Congreso de Endocrinoloxía e Nutrición en Santiago

O IDIS participa cunha investigación sobre a obesidade e as súas complicacións metabólicas e unha análise comparativa do risco nutricional hospitalario, entre outras achegas