Unha reportaxe de GCiencia converteuse hoxe na proba de comentario de texto no exame de reválida de Primaria para 22.000 escolares de Galicia. A reportaxe, titulada ‘Cando o tigre campaba por Galicia’, foi publicada en outubro de 2015 e narra como novas investigacións revelan que o lince boreal (Lynx lynx), un gran depredador, o dobre de grande que o lince ibérico (Lynx Pardinus), habitaba Galicia ata unha data recente. Os paisanos alcumaban a este gran felino o ‘tigre’.
A reportaxe, realizada por Eduardo Rolland, revela tamén que se pode identificar ao lince boreal cunha criatura que figura mesmo nas lendas galegas, nomeada como ‘lobo cerval’. Ata o de agora, pensábase que este animal nunca cruzara os Pireneos ao longo da historia, pero novas evidencias xenéticas, como as publicadas pola revista científica ‘Journal of Zoology’, revelan que o lince euroasiático tamén campaba polos montes galegos.
‘Cando o tigre campaba por Galicia’ foi elixida para o comentario de texto en lingua galega para os alumnos de sexto curso de Primaria, que suman 22.000 rapaces de 12 anos nos colexios galegos.
Aquí podes ler
a reportaxe ‘Cando o tigre campaba por Galicia’
Reportaxe moi interesante pero moito mellor para unha clase que para unha reválida!!!
A reportaxe fermosa pero mellor para unha clase que para unha reválida!!
Nunha proba na que non participou o 67% da rapazada.