Galicia segue un ano máis por debaixo da media española en I+D

O Instituto Nacional de Estadística publicou este martes os seus datos de actividades de I+D no conxunto de Estado referentes a 2016. E Galicia segue, un ano máis, bastante por debaixo da media española no investimento en investigación, desenvolvemento e innovación. Sitúase no décimo posto das 17 comunidades autónomas.

O INE indica que en Galicia emprégase o 0,87% do PIB neste eido, fronte ao 1,19% da media estatal. E aínda máis lonxe das rexións punteiras, como o País Vasco, co 1,89% do seu PIB destinado a este senso, ou Madrid, cun 1,66%. No conxunto da UE, a inversión é aínda maior, cun 2%.

Publicidade

Lixeiro aumento respecto a 2015, pero menor ca o PIB

En canto á taxa de variación respecto a 2015, Galicia aumentou un 1,5% o seu investimento en políticas de investigación e desenvolvemento. Non en tanto, o crecemento foi menor ao PIB, que medrou por riba do 3%, e notablemente por debaixo das comunidades co maior taxa de crecemento, como Castilla y León (13,1%), Murcia (10,2%), ou Castilla-La Mancha (6,5%).

En Galicia gastouse, no conxunto destas accións, un total de 503 millóns de euros. No conxunto do Estado, o aumento foi menor, do 0,7%, lastrado sobre todo polo descenso do investimento en Andalucía, que caeu un 7,9%.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Un novo recurso didáctico creado na USC conecta o patrimonio musical galego co Camiño de Santiago

O material reúne dez arranxos de música do percorrido francés e propostas para traballar este repertorio das aulas de Primaria e Secundaria

Unha autopista de humidade acende en Galicia alertas laranxas e amarelas por chuvia e vento

A sucesión de borrascas atlánticas deixará máis de 50 l/m2 en menos de 12 horas no oeste da comunidade e refachos de ata 100 km/h

Dúas xeracións únense para rescatar do abandono a historia da batería militar de Cabo Silleiro

Jesús Moreira, quen realizou o servizo en 1971, e o seu fillo Diego impulsan unha recollida de sinaturas para converter o antigo cuartel nun espazo cultural

Unha curtametraxe sobre os tesouros agochados baixo o mar da Mariña-Ortegal conquista Donosti

O biólogo focense Carlos Gil dá a coñecer a biodiversidade dos fondos galegos cun galardón no Ciclo Internacional de Cine Submarino de San Sebastián