Catas ‘dixitais’ para viños galegos con pedigrí

Un equipo liderado polo investigador do CiQUS da USC Ricardo Riguera deseñou un novidoso procedemento para identificar en cuestión de minutos as variedades de uva dos viños galegos. O sistema permitirá ‘catar’ dixitalmente as variedades de uvas empregadas nos caldos brancos acollidos ás ‘Denominacións de Orixe Protexidas de Galicia’ (Rías Baixas, Ribeiro, Valdeorras, Monterrei e Ribeira Sacra).

Manuel Martín-Pastor (esquerda), sostén unha das mostras empregadas, xunto a Ricardo Riguera e Esteban Guitián (dereita). Foto: Andrés Ruiz.
Manuel Martín-Pastor cunha mostra, xunto a Ricardo Riguera e Esteban Guitián. Foto: Andrés Ruiz.

O sistema impulsado por Riguera, que conta coa colaboración de Manuel Martín-Pastor, da Unidade de Resonancia Magnética Nuclear, e Esteban Guitián, da Unidade de Espectometría de Masas, analiza as mostras de viño mediante resonancias magnéticas e cromatografía de gases. A análise parte dunha base de datos que recolle preto de 300 viños que mesturan as principais variedades de uva existentes en Galicia (Albariño, Godello, Treixadura e Palomino). A partir de esta categorización, os investigadores identificaron unha serie de parámetros característicos de cada variedade, que establecen unha ‘pegada dixital’ de cada caldo.

Publicidade

O sistema emprega unha base de datos de máis de 300 caldos

Os avances conseguidos polo CiQUS permitirán abaratar e acelerar o proceso de análise dos viños, fronte as técnicas que se empregaban ata agora, baseadas na cromatografía, principalmente. Estes procedementos esixen unha análise por separado de cada componente, polo que o proceso é lento e custoso. O sistema rexistrou un nivel de acerto de arredor do 95 por cento. Ante estos resultados, os autores do estudo, que foi publicado na revista Analytical Chemistry, conclúen que “a técnica é unha alternativa sinxela, rápida e tecnicamente fiable”.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Observar as células para descifrar o cancro: a científica galega que volve a casa cun novo desafío

Sara Abalde-Cela inicia etapa no CiQUS co apoio do programa Oportunius e unha Consolidator Grant para desenvolver o proxecto OBSERVER

Péptidos para transportar medicamentos xenéticos: a aposta de TraffikGene

A empresa nada na USC, gañadora GCiencia Galicia Spin-Off como Idea Emerxente, desenvolve unha plataforma para conducir ADN e ARN ao interior das células

Que hai detrás dunha axuda Marie Curie? Catro investigadores contan como conseguiron a súa

Atopar un grupo receptor complementario, construír un proxecto sólido e contar con apoio institucional son algunhas das claves que destacan os beneficiarios das bolsas europeas no CiQUS

Un equipo da USC logra unha reacción química para construír bibliotecas de moléculas codificadas por ADN

O descubrimento liderado polo investigador do CiQUS Manuel Nappi pode ser clave na procura de fármacos