A Universidade de Vigo xa recibe o sinal do satélite Serpens

Os investigadores da Agrupación Aeroespacial da Universidade de Vigo xa reciben o sinal do satélite Serpens. O venres, menos de 24 horas despois de que a Estación Espacial Internacional puxera en órbita o satélite, comezaron a chegar as primeiras comunicacións. Ás 06.41 horas chegou o primeiro pase do Serpens, o terceiro picosatélite lanzado ao espazo pola UVigo, e con el a confirmación “de que a recepción era correcta”, explico o profesor Fernando Aguado, responsable da agrupación, “moi moi contento con esta nova”.

Órbita do Serpens e zona de recepción do sinal en Galicia.
Órbita do Serpens e zona de recepción do sinal en Galicia.

O Serpens é un proxecto conxunto da Universidade de Vigo, xunto coa Axencia Espacial Brasileira, e as universidades de Brasilia, Minas Gerais, Federal de Santa Catarina e Federal do ABC, no Brasil, así como o Instituto Federal Fluminese, a Morehead State University e a California State Politechnic dos Estados Unidos, xunto coa universidade italiana da Sapienza.
Se ben o número de horas e pases sobre o campus serán moi variables. “O noso cálculo é que haxa unha media de entre tres e catro pases diarios”, apuntou o responsable da agrupación, que explicou tamén que durante esta primeira fase, que durará un par de semanas, o que se fai é analizar o estado do satélite, “revisando todos os datos, analizando o funcionamento das diferentes configuracións, así como axustando a planificación para as seguintes semanas”.
Con pouco máis de 20 anos Antón Vázquez entrou a formar parte da Agrupación Aeroespacial apenas un mes antes do lanzamento do Humsat-D, en novembro de 2013, e se daquela tivo xa a oportunidade de vivir en directo os nervios dunha experiencia coma esta, admite que nesta ocasión, co Serpens, a emoción foi aínda maior, pois neste caso participou en todo o proceso de construción e posta en marcha do satélite, incluída unha estadía en Brasil na que tivo, xunto a dous dos seus compañeiros, Diego Nodar e Alberto González, a oportunidade de participar na integración e test de todo o proxecto, incluídos os test ambientais e as auditorías de seguridade da Axencia Espacial Xaponesa XASA.

Tras as primeiras probas, o satélite monitorizará o clima da selva amazónica

“Teño que recoñecer que o primeiro pase do Humsat-D foi máis emocionante ca o de Serpens no sentido de que as incógnitas eran maiores”, subliñou o enxeñeiro, que explicou que no caso do primeiro satélite da constelación Humsat o lanzamento se fixo “desde terra, inserido noutro satélite e ambos dentro dun foguete, unha cadea moi delicada que provoca que se algún dos pasos falla se malogre todo o demais”.
Con outra visión, a de quen lle tocou colaborar na supervisión desde Vigo, o seu compañeiro de agrupación Bibiano Fernández-Arruti, comparte con Vázquez a sensación de que o Serpens é “un proxecto moi noso”. Participou en todas as probas realizadas en Vigo, tanto de montaxe como de comprobación do satélite enteiro, e “aínda que admito que me deu pena non poder ir a Brasil, estivemos en todo momento en contacto con eles, ao tempo que fomos avanzando no resto de proxectos da agrupación”.
Tras estes primeiros días, iníciase unha nova fase de verificación e probas na que o Serpens comezaría a recoller información de sensores de baixo custo instalados en diferentes zonas do planeta, que transmitiría tanto a Brasil como a Vigo e cos que se poderían comprobar as melloras realizadas ao sistema de comunicacións deseñado para o Humsat-D.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O tempo estable e a fase escura da Lúa permitirán ver as Xemínidas nunha ocasión única en Galicia

É un dos fenómenos astronómicos máis esperados do ano. O seu máximo esplendor terá lugar na madrugada do 14 ao 15 de decembro

Primeiras imaxes de Deimos, a lúa máis misteriosa de Marte

Foi capturada pola Hope Mars Mission e a partir das capturas os expertos deduciron que o satélite puido formarse co planeta

Imaxes de satélite para detectar con rapidez mareas vermellas nas rías galegas

Investigadoras do CSIC deseñan unha nova metodoloxía con fotografías de Sentinel-2 para controlar as proliferacións de algas potencialmente nocivas

O primeiro propulsor espacial de nanosatélites español chega a órbita

Este eléctrico maximiza o tempo de vida dos dispositivos e ofrece control de orientación a nanosatélites. Foi lanzado o pasado outubro