Luns 27 Maio 2024

A Real Academia Galega de Ciencias entrega os seus Premios de Investigación

A Real Academia Galega de Ciencias entregou este mércores no Pazo de San Roque de Santiago de Compostela os Premios de Investigación Ernesto Vieitez, que concede anualmente. Nesta edición, o galardón, dotado con 6.000 euros, foi para un equipo o Instituto de Investigacións Mariñas do CSIC, en Vigo. Os científicos Mónica Carrera, José Manuel Gallardo, Santiago Pascual, Ángel González e María Isabel Medina desenvolveron no seu traballo un innovador método para detectar o parásito anisakis no peixe fresco; un problema importante ao que se enfrontan a industria pesqueira e as autoridades de inspección alimentaria.

Na categoría de Investigadores Mozos, a gañadora foi Silvia Barja, do Grupo de Fisiopatoloxía Endócrina do IDIS de Santiago. Os seus estudos conclúen que unha dieta alta en graxa diminúe a produción no estómago dunha proteína capaz de actuar como protectora fronte á obesidade.

Publicidade

Ademais, o alto nivel das candidaturas levou ao xurado a recoñecer con dúas mencións honoríficas a alumnos da USC. Así, Jessica Rodríguez, química do CiQUS, foi premiada por un traballo de recoñecemento selectivo de longas secuencias de ADN con construcións peptídicas multicompoñentes; e os matemáticos Alberto Cabada e Lorena Saavedra recibiron un galardón por un estudo sobre a función de Green.

Os premios foron entregados polo presidente da Real Academia Galega de Ciencias, Miguel Ángel Ríos; o conselleiro de Sanidade, Jesús Vázquez; o presidente do Consello da Cultura Galega, Ramón Villares; e a directora da Axencia Galega de Innovación, Patricia Argerey.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Descuberto un planeta xigante tan lixeiro como o algodón de azucre

O novo astro é un 50% máis grande que Xúpiter, pero con unha densidade aproximada á décima parte da do xigante gasoso

A fronteira con Portugal é a área de Galicia con maior presenza do mosquito da malaria

O insecto leva anos na comunidade pero o parasito non está en circulación, polo que o risco de transmisión autóctona é baixo

Un equipo logra producir serotonina a partir dun fermento do viño

O grupo de investigación elaborou a chamada 'hormona da felicidade' de forma máis barata e ecolóxica a partir dunha cepa vínica

A reconquista da oliveira galega: “As súas características botánicas fana única no mundo”

Este venres presentouse o ‘Grupo Operativo’ do CSIC que traballa na recuperación do oliveiral tras séculos abandonado na comunidade