Luns 4 Marzo 2024

A Academia Galega de Ciencias segue sumando

A Real Academia Galega de Ciencias (RAGC) continúa a súa renovación e dando novo pulo ás súas actividades. Proba desta nova etapa é o ingreso de Juan Ramón Vidal Romaní, catedrático de Xeoloxía da Universidade da Coruña (UDC), que se incorpora á Sección de Química e Xeoloxía. A súa abre a rolda de incorporacións á institución ao longo deste ano, no que entrarán seis novos académicos de diversas áreas de coñecemento.
O discurso de ingreso do novo académico da RAGC titulouse “A Xeoloxía de Galicia. Como armar un quebracabezas”. Logo de pronuncialo, recibíu a medalla de mans do presidente da RAGC, Miguel Ángel Ríos, e o diploma de académico foille entregado polo reitor da UDC, Xosé Luis Armesto.
Juan Ramón Vidal Romaní (1946, Tarragona) é catedrático de Xeodinámica Externa na UDC e director do Instituto Universitario de Xeoloxía Isidro Parga Pondal desde 1986. O seu ámbito de traballo está centrado no Cuaternario de Galicia, nas rocas graníticas, nos niveis mariños, no glaciarismo, na xemorfoloxía e nos depósitos en ambientes graníticos. Ademais de en Galicia, Canarias e Madrid, traballou en Madagascar, Arxentina, Australia, Suecia e Portugal.

Experto no Cuaternario en Galicia, os seus estudos teñen gran recoñecemento internacional

Publicou 100 libros e capítulos de libros, ademais de 37 mapas xeomorfolóxicos e máis de 150 traballos en revistas especializadas, nas que tamén exerce como revisor científico. É membro fundador da Asociación Española de Estudio del Cuaternario, vinculada á Sociedad Española de Geomorfología, na que ocupou os postos de presidente e vicepresidente entre 1994 e 1998.
Ademais do seu traballo académico e científico vén realizando un intenso labor de divulgación da xeoloxía na escola, en colaboración coa Asociación Española para el Estudio de Ciencias de la Tierra (AEPECT), e participa desde hai anos na organización do evento Geolodías. O seu ingreso na RAGC débese ao recoñecemento internacional do traballo científico que vén realizando desde hai décadas nun campo de coñecemento de gran relevancia para Galicia, que ata o de agora presentaba un baleiro na Academia.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Unha profunda borrasca atlántica azouta Galicia esta fin de semana con chuvia, vento e neve

O centro de baixas presións situado sobre Irlanda enviará unha fronte fría na madrugada do sábado
00:03:05

R de Revolta: o autogoberno irmandiño de “todos á unha”

Entre 1467 e 1469 a rebelión do poder popular arremeteu contra as fortalezas do Reino, o símbolo material da violencia dos señores

A borrasca Louis activa a alerta vermella en Galicia por ondas de ata 8 metros

As baixas presións situadas en Islandia provocan un forte temporal marítimo e envían chuvia, vento e neve ao noroeste peninsular

Inmaculada Rodríguez: “Antes faciamos empresas de parafusos, agora de ciencia e tecnoloxía”

A directora xeral de Unirisco reclama dar o salto da investigación á empresa nas xornadas 'Investir en Ciencia si é rendible’, que organiza xunto a Noso Capital