Xoves 28 Marzo 2024

National Geographic dedica un especial ao primeiro campamento romano de Galicia

A revista National Geographic dedica un especial ao primeiro campamento militar romano de Galicia, localizado polo grupo de investigación Roman Army no lugar de Penedo dos Lobos, na provincia de Ourense. A publicación emprega imaxes do antigo campamento, que foi atopado moi preto da estación de esquí de Cabeza de Manzaneda, nunha zona tradicional de pastoreo. Entre as fotografías, podemos ver a estrutura rectangular do establecemento romano, que foi empregado durante as guerras astur-cántabras e tiña capacidade para acoller ata 1.000 soldados.

A revista faise eco das pezas atopadas nos traballos arqueolóxicos, que empregaron técnicas de teledetección e nos que traballaron investigadores das universidades de Santiago de Compostela e de Exeter, no Reino Unido.

Publicidade

Moeda romana coa efixie do emperador Augusto atopada en Penedo dos Lobos. Foto: Romanarmy.

“Estes achados sitúan a construción do campamento romano de Penedo dos Lobos nun horizonte cronolóxico anterior ao cambio de era e posiblemente contemporáneo ás guerras asturcántabras, coas que o Imperio romano puxo fin á conquista de  Hispania”, sinalaba Romanarmy nun  comunicado que emitiu o pasado 28 de agosto.

Clavo dunha sandalia. Foto: Romanarmy.

A intervención arqueolóxica no campamento romano permitiu descubrir a presenza militar romana máis antiga que se documentou ata o momento no territorio da actual Galicia. As moedas de bronce foron acuñadas por Publio Carisio entre o 25 e o 22 a. C. para pagar aos lexionarios que participaron nas campañas bélicas; Carisio foi legado (xeneral do exército romano) do primeiro emperador Augusto durante as guerras contra cántabros e astures.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.