Únete á nosa canle de Whatsapp
Unha viaxe no tempo a través dos planos que retratan as capitais de provincia galegas a comezos do século XX. A Coruña, Lugo, Ourense e Pontevedra aparecen con trazados que hoxe podemos identificar, rúas con outros nomes e moitísimo máis reducidas en extensión. Estes planos pertencen á publicación ‘España Rexional‘, lanzada en Barcelona no ano 1900 e que vén de ser dixitalizada polo Instituto Xeográfico Nacional.
A Editorial Alberto Martín encargou os textos descritivos a Ceferino Rocafort e Casimiro Dalmau, mentres que os planos foron trazados por Benito Chías i Carbó, un enxeñeiro militar que someteu á súa obra aos propios concellos, para que achegasen correccións de calquera erro que atopasen na súa obra.
A colección de ‘España Rexional’ consta de catro tomos que inclúen a descricion das costas, fronteiras, orografía, hidrografía, notas xeolóxicas e mineralóxicas, clima, agricultura, industria, comercio, navegación e obras públicas, división civil, xudicial, marítima, eclesiástica e universitaria, ademais dun resumo histórico de cada territorio.
No tomo III da obra están os planos de poboación, editados en cor e que constitúen un bo documento para comprobar neste caso como eran as capitais de provincia galegas hai un século.
Como curiosidade, estes planos foron logo empregados para o ensino, a partir de 1904, pasando a ser referencia nas escolas.
Aquí podes consultar os planos en alta calidade:
Plano da Coruña
Plano de Lugo
Plano de Ourense
Plano de Pontevedra
E aquí, os mapas provinciais da mesma obra:
