Únete á nosa canle de Whatsapp
A situación empeora na lagoa de Baldaio e acada un punto límite para algunhas das especies que se nutren do ecosistema, un dos humidais litorais máis relevantes de Galicia. O peche da canle que une a marisma coa auga do mar en función das mareas, atoada desde unha sucesión de temporais a finais de 2019, está reducindo a salinidade da auga e provoca un aumento da mortalidade dalgunhas especies de peixes, así como unha situación difícil para algunhas especies vexetais que medran á beira da lagoa e que na actualidade se atopan mergulladas.
Desde o punto de vista humano, o nivel da auga, que está acadando alturas moi poucas veces vistas polos veciños da zona de Baldaio, chega xa a algunhas vivendas e terreos próximos á marisma e podería causar problemas maiores. Á espera das obras anunciadas para abrir a canle por parte da Xunta de Galicia, a turbidez da auga é patente.
