Un pelo nunha cabeza normal, un latido do corazón en todo un día, unha pinga de auga nunha garrafa de cinco litros, unha palabra nunha novela como O Hobbit… Así de improbable é que te toque a Lotería do Nadal. E así o conta un profesor de matemáticas da Universidade de Alcalá de Henares, David Orde, que fixo viral un vídeo no que narra as escasas probabilidades de que unha persoa se faga cos 640 millóns de euros do Gordo.
Sobre o traballo, o seu creador considera que pode resultar “moi útil para todos aqueles que nestas semanas previas ao sorteo dan renda solta ao seu lado emocional e se deixan levar pola musiquiña do anuncio da lotería do Nadal“.
O vídeo obtivo unha mención de honra na categoría de Traballos de Divulgación Científica no certame Ciencia en Acción.
