As mellores imaxes científicas están en FotCiencia

Estruturas de seleniuro de indio, un material semiconductor, que lembran á pirámide de Keops. O detalle das ás dun cabaliño do demo, marabilla da enxeñería natural, como inspiración para os drons do futuro. Ou unha folla de tabaco iluminada con luz ultravioleta que revela as zonas nas que os xenes da planta provocan a morte controlada dalgunhas das súas células… Esas son algunhas das sete imaxes seleccionadas na 15ª edición de Fotciencia, unha iniciativa da Fundación Española para a Ciencia e a Tecnoloxía ( FECYT) e o Consello Superior de Investigacións Científicas (CSIC), que conta coa colaboración da Fundación Jesús Serra.

Dun total de 729 presentadas, as fotografías pretenden achegar a ciencia á cidadanía en clave de arte. Cunha selección máis ampla, realizarase unha exposición itinerante e un catálogo de imaxes científicas que percorrerán museos e centros culturais, educativos e de investigación españois durante 2018.

Publicidade

Entre as imaxes escollidas por profesionais da fotografía, a microscopía, a divulgación científica e a comunicación, pódense atopar tamén as espectaculares formas que se producen nunha placa de laboratorio ao cultivar dúas especies de fungos antagonistas ou a casca dunha laranxa que coa súa estrutura porosa alberga burbullas de aire, o cal reduce a densidade da froita respecto da auga e fai que se eleve á superficie.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Científicos galegos achan as claves que determinan o éxito da inmunoterapia no cancro de pulmón

Un equipo do IIS Galicia Sur desenvolve un modelo preditivo que permitirá avanzar cara a unha medicina máis personalizada e tratamentos máis efectivos

TikTok e as súas malas prácticas: normalizamos xa os riscos e as alertas sobre a rede social?

Crece a preocupación pola distribución de contido de abuso sexual infantil na plataforma. Por Jose Antonio Cortés Quesada e Arantxa Vizcaíno Verdú

Un equipo da Coruña crea robots autónomos que aprenden e se adaptan ás necesidades humanas

Os resultados do proxecto europeo, que se coordina dende o CITIC, presentáronse na xornada 'AI, Data and Robotics Forum'

Pódcast | Intelixencia artificial contra os discursos de odio

Os investigadores do CITIC Paloma Piot e David Otero participan no novo episodio de O Descodificador