Novo reto para Alba Aguión, a bióloga galega gañadora do certame de monólogos científicos Famelab 2016 e subcampioa do mundo na final internacional celebrada en Londres. Agora, presenta un novo monólogo no certame organizado pola Fundación Aquae.
Que ten que ver a bioloxía dos animais coa intelixencia artificial? Alba Aguión convídanos a pensar como xorde a intelixencia nos seres vivos e cal é o funcionamento das neuronas, para chegar á Intelixencia enxame, unha das grandes liñas de inspiración da Intelixencia Artificial onde a clave de todo, por certo, radica no sinxelo e na comunicación.
Con este argumento, aquí tes o novo vídeo divulgativo da bióloga mariña e zoóloga, investigadora predoutoral na Universidade de Vigo e gañadora do Famelab 2016.
Para votar por Alba Aguion so tes que visitar esta páxina e dar ao botón Me Gusta de Facebook
