A invasión de Estados Unidos e Canadá polo vórtice polar foi captada dende o espazo polo satélite Aqua da NASA, entre o 20 ata o 29 de xaneiro. O medio oeste dos Estados Unidos foi afectado polas temperaturas máis baixas que viu en anos, que alcanzaron os 40 graos celsius baixo cero. Unha masa de aire ártico inusualmente fría que conxelou boa parte de Norteamérica.
Nas imaxes transmitidas polo instrumento AIRS (Atmospheric Infrared Sounder) as temperaturas máis baixas amósanse en púrpura e azul e van desde -40 graos a -23 graos Celsius. A medida que avanza a serie de datos, podemo ver como as áreas púrpuras máis frías da masa de aire se desprazan cara aos Estados Unidos, informa a NASA.
Os científicos tamén puideron comprobar que esta invasión de aire frío foi máis intensa que a rexistrada no2014. As imaxes constatan que o peor parte a levou a rexión dos Grandes Lagos, onde se atopa Chicago, a terceira cidade máis grande do país.
#PolarVortex as seen by @NASA‘s Atmospheric Infrared Sounder (AIRS). The Arctic air mass moved southward from central Canada into the U.S. Midwest: https://t.co/RtCnWNjoW7 #PolarVortex2019 pic.twitter.com/7iazXtspFD
— NASA JPL (@NASAJPL) 31 de enero de 2019
Con máis de 2.000 canles que detectan diferentes rexións da atmosfera, o sistema da NASA crea un mapa tridimensional global da temperatura e a humidade atmosférica, as cantidades e alturas das nubes, as concentracións de gases de efecto invernadoiro e moitos outros fenómenos atmosféricos.
