“Quérote Plantiña” é un proxecto dos nenos e nenas do CEIP Luis Seoane de Oleiros, que desenvolveron un exhaustivo traballo sobre as plantas invasoras na Costa de Dexo-Serantes, ou prantas “abusonas”, como eles lles chaman.
Este traballo fíxose para o I Congreso Escolas en Acción– Rede Natura 2000, celebrado o pasado 5 de xuño, Día Mundial do Medio Ambiente, en Compostela. Os cativos do CEIP Luis Seoane de Oleiros foron os máis novos entre todos os participantes de distintos centros educativos galegos, que investigaron e aprenderon sobre os espazos naturais protexidos de Galicia.
O programa de educación ambiental Escolas en Acción – Rede Natura 2000 está promovido pola Consellería de Medio Ambiente, Territorio e Infraestruturas da Xunta de Galicia en colaboración co Centro de Extensión Universitaria e Divulgación Ambiental de Galicia (CEIDA).
