Cada ano en España detéctanse 28.000 casos novos de cancro de próstata, o segundo máis común e a sexta causa de morte por cancro entre os homes en todo o mundo. Existen varios métodos para diagnosticalo, pero non son os suficientemente sensibles e precisos.
Na procura de novos métodos de detección do cancro menos invasivos e traumáticos é onde entran en xogo os cans. Os animais como a Border collie Yuka son capaces de acumular entre 200 e 300 millóns de células olfativas. Esta característica permítelles identificar as moléculas responsables dos cheiros que veñen do aire inhalado e de detectar os compostos orgánicos volátiles presentes nos ouriños e característicos do cancro de próstata.
Pero para iso, os cans realizan un exhaustivo e protocolizado adestramento con mostras con cancro e sen compostos procedentes do metabolismo das células canceríxenas.
A detección refórzase cunha análise metabolómico para caracterizar os compostos canceríxenos. Con esta combinación de ferramentas e o financiamento adecuado, os científicos poderán detectar mediante métodos máis precisos e non invasivos a presenza de cancro.
