Fotonautas

A versión comercial da moto voadora de ‘Star Wars’ chegará en 2017

Por

-

15/05/2014

aerofex — A empresa californiana Aerofex vén de anunciar a comercialización dunha moto voadora que nos recorda as speeder bikes da saga cinematográfica Star Wars. Aerofex abriu xa o prazo de reserva para facerse coa primeira versión comercial da súa moto voadora, a Aero-X Hoverbike, que ten previsto poñer no mercado no ano 2017. O prezo, 85.000 dólares, dos cales hai que adiantar 5.000 como depósito. O Aero-X é un vehículo a gasolina de 356 quilos para unha ou dúas persoas, cunha capacidade máxima de carga de 140 quilos. Pode elevarse algo máis de 3,5 metros de altura e acadar unha velocidade de ata 72 km/h, cunha autonomía de ata unha hora e cuarto.

aerofex-prototipo — Último prototipo do Aero-X, cuxos autores queren comercializar para ocio pero tamén para o seu uso en operacións de busca e rescate, para patrullas fronteirizas, como vehículo de apoio en desastres ou para a gandaría e a agricultura, entre outros usos.

DEIXAR UNHA RESPOSTA Cancelar a resposta

Este sitio emprega Akismet para reducir o spam. Aprende como se procesan os datos dos teus comentarios.