“Unha aurora máis, pero esta é especial porque brilla moito. É a Lúa chea iluminando a parte en sombra da Terra. Case como a luz do día”. Eran as palabras do astronauta francés Thomas Pesquet, a bordo da Estación Espacial Internacional. Segundo expoñía o propio Pesquet, era unha das imaxes máis espectaculares dunha aurora polar captadas desde a nave espacial.
A fotografía foi tomada o pasdo 20 de agosto, e amosa feixes de luz verde brillante espallándose a través do planeta e esvaecéndose en tons avermellados máis lonxe. Descoñécese se a aurora é boreal (arredor do polo norte) ou austral (no sur), xa que as nubes e o océano que se ve baixo elas impide establecer que parte da Terra está amosando.
https://twitter.com/Thom_astro/status/1441473741762949122
Pesquet tamén recolleu nos últimos días desde o espazo outra imaxe fascinante, a da erupción do volcán en La Palma, tomada na noite sobre a illa canaria.
El volcán de #LaPalma en erupción. El resplandor anaranjado de la lava, en contraste con la negrura del océano Atlántico, resulta aún más impresionante. El brillo de la lava parece demasiado cercano al resplandor de las luces de la ciudad. #MissionAlpha pic.twitter.com/ztEPr1ypqM
— Thomas Pesquet (@Thom_astro) September 22, 2021
As auroras polares son o resultado da interacción entre as partículas do vento solar e a magnetosfera da Terra. Esta capa, que protexe o planeta da radiación do Sol, desvía as partículas cara aos polos. Ao colisionar coas partículas da atmosfera, xérase unha cadea de reaccións en forma de luz. Por este motivo adoitan verse principalmente nos polos, aínda que en circunstancias excepcionais poden observarse sobre Galicia.
