Case 6.000 raios caídos sobre territorio galego nas últimas horas e outros 4.000 no mar. Son os datos rexistrados polos medidores de Meteogalicia desde as 22,00 horas do venres até primeira hora deste sábado. En concreto, 5.800 caeron en terra, nunhas tormentas que ademáis do aparello eléctrico deixaron ao seu paso fortes precipitacións, en moitos casos concentradas nun período curto de tempo.
A maior acumulación de choiva rexistrouse na Fonsagrada (Lugo), onde se recolleron 33,2 litros por metro cadrado durante a xornada do venres. Os municipios ourensáns de Pazos de Borbén, Muíños ou a propia capital provincial foron algúns dos puntos máis chuviosos con acumulacións por encima dos 25 litros. A tormenta que azoutou a cidade da Coruña durante a noite do venres provocou o fundido do faro da Torre de Hércules. A Vigo os raios fixeron aparición hacia as 2,30 da madrugada. Na fotografía principal, de Divulgara, un momento da tormenta desta madrugada sobre Vigo.
