O asteroide que impactou na Terra hai 66 millóns de anos e que acabou coa vida dos dinosauros desencadeou un megatsunami. Un grupo de investigadores de institucións académicas, axencias gobernamentais, o Laboratorio Ambiental Mariño do Pacífico e o Laboratorio de Dinámica de Fluídos Xeofísicos publicaron a primeira simulación global do que foi o impacto do tsunami na Terra, combinando o modelado numérico e a análise de resistros xeolóxicos. A animación amosa a amplitude de onda do tsunami 10 minutos despois da colisión ata as próximas 48 horas. Os autores calcularon que a enerxía inicial do tsunami era 30.000 veces maior que a enerxía do tsunami do Oceáno Índico de decembro de 2004, que matou a máis de 230.000 personas.
O cráter Chicxulub está enterrado baixo a península de Yucatán en México. Dende que chocou coa Terra foi cambiando a súa posición debido ao movemento das placas e estímase que ten 180 quilómetros de diámetro e 20 quilómetros de profundidade, segundo informa a Oficina Nacional de Administración Oceánica e Atmosférica (NOAA). “Este tsunami foi o suficientemente forte como para perturbar e erosionar os sedimentos nas concas oceánicas ao outro lado do mundo, deixando unha fenda nos rexistros sedimentarios ou unha mestura de sedimentos más antigos”, comentou a autora principal do traballo, Molly Range. Os investigadores alegan que o estudo axuda a evaluar e cuantificar o risco de futuros impactos de asteroides grandes e as consecuencias dos tsunamis máis convencionais cos que a humanidade ten que lidar.
