Como aínda se está enfocando, o James Webb —que comezará a súa misión científica no verán— aínda semella máis unha criatura de múltiples ollos que mira en diferentes direccións que ese observatorio que buscará á primeira xeración de galaxias formadas após o Big Bang. Mais iso non impide que o telescopio orbital da NASA, que vén de chegar ao seu destino a 1,5 millóns de kilómetros de nós, ande xa observando o cosmos que o rodea. E, nesta observación, xa logrou tomar unha imaxe da súa primeira estrela.
Certo é que esta primeira instantánea que asina o James Webb está lonxe de ser abraiante. 18 puntos brancos e borrosos sobre un fondo negro. E todos mostrando o mesmo obxecto: HD 84406, unha estrela brillante e illada na constelación da Osa Maior. Con todo, representa un fito importante. Porque todos eses puntos foron capturados polos 18 segmentos individuais do espello principal, e a imaxe é agora a base para aliñar e enfocar esas pezas hexagonais.
⚫️ In the coming weeks, our team will align & focus each of these 18 dots, then stack the dots on top of each other to form a single point — one unified image from all of Webb’s 18 mirror segments. What’s ahead: https://t.co/asidf7mdKB pic.twitter.com/pPZQG13IkO
— NASA Webb Telescope (@NASAWebb) February 11, 2022
Para axudar neste proceso, o telescopio tamén logrou capturar un selfie, para a sorpresa do equipo, que mesmo anunciara anteriormente que tal imaxe non sería posíbel. Un bonus que foi tomado non a través dunha cámara montada externamente, senón mediante unha lente especial a bordo da NIRCam, e empregando para a mesma só a luz das estrelas. Toda unha delicia para os fans do espazo exterior!
“a 1,5 kilómetros de nós” (Creo que vos coméstedes un “millóns de” no medio.)