A imaxe titulada ‘Que esconde a man dun neno?’ recibiu o primeiro premio na categoría xeral da 13ª edición do certame de fotografía científica Fotciencia. Os seus autores, Raúl Rivas e Lorena Celador, fotografaron a pegada dunha nena de seis anos que pousou a súa man sobre unha placa de Petri. A imaxe, tomada tras incubar a placa durante dous días, reflicte colonias de fermentos e unha gran diversidade de colonias de bacterias en distintas formas e tonalidades.
Fotciencia é un concurso de ámbito nacional, organizado pola Fundación Española para a Ciencia e a Tecnoloxía (FECYT) e o Consello Superior de Investigacións Científicas (CSIC), coa colaboración da Fundación Jesús Serra. Pretende achegar a ciencia á cidadanía a través de fotografías que abordan cuestións científicas desde unha visión artística e estética.
O obxectivo da instantánea gañadora do primeiro premio da categoría xeral era demostrar a alumnos de Infantil e Primaria dun colexio de Salamanca a importancia que ten lavarse as mans e, ao mesmo tempo, ensinarlles que a presenza de microorganismos na nosa pel é algo habitual.
O que esconde a man dunha nena…
