Inmigrantes sirios rescatados polo buque Sarmiento de Gamboa
O buque oceanográfico Sarmiento de Gamboa, con base en Vigo, rescatou onte a 194 refuxiados sirios que se encontraban a bordo dunha barcaza á deriva durante seis días no Mediterráneo, en augas entre Sicilia e Grecia. Máis da metade dos rescatados son mulleres e nenos; en concreto, 61 cativos, 54 mulleres e 79 homes. Segundo informou o propio CSIC, todos eles están “en pefecto estado de saúde”, aínda que con síntomas de deshidratación, e recibiron mantas, alimentos e líquidos (auga, zumos, fruta e iogures). O barco, pertencente ao Consejo Superior de Investigaciones Científicas (CSIC) e con 18 tripulantes e dous investigadores da Unidade de Tecnoloxía Marina, volvía a Galicia despois dunha campaña no mar Negro cando recibiu a petición de auxilio de parte das autoridades italianas. Na zona do naufraxio encontrouse cunha fragata da Guarda Costeira islandesa na que embarcaron outras 214 persoas que tamén se encontraban na barcaza. O médico da embarcación islandesa tamén atendeu aos refuxiados rescatados polo buque español. A capitana do Sarmiento de Gamboa, María Ángeles Campos, explicou que recibiron unha chamada do Centro Coordinador de Salvamento Marítimo de Roma para acudir en axuda dun barco con 408 inmigrantes que foron levados até o porto de Augusta, en Sicilia. Na foto, os refuxiados antes do rescate./ CSIC

1 comentario

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.