Un dos icebergs retratado pola NASA, desprendido da gran plataforma Larsen C.

Un dos icebergs retratado pola NASA, desprendido da gran plataforma Larsen C.

Por que hai icebergs rectangulares na Antártida?

A NASA publica imaxes de grandes bloques de xeo con formas harmónicas que xeran fascinación nas redes

Un dos icebergs retratado pola NASA, desprendido da gran plataforma Larsen C.

Un dos icebergs retratado pola NASA, desprendido da gran plataforma Larsen C.

Nas pasadas semanas, os avións do proxecto IceBridge da NASA que voaban sobre a Antártida para estudar a evolución das grandes masas de xeo retrataron un grupo de icebergs cunha curiosa forma. Aínda que é un fenómeno habitual nos desprendementos que adoitan sucederse nas grandes plataformas dos polos, a fotografía publicada pola NASA chamou a atención en internet.

Segundo indicou a propia axencia a través de Twitter, é frecuente que aparezan grandes bloques de xeo con formas xeométricas incriblemente harmónicas. Neste caso, algunhas das tomas amosaban unha superficie totalmente chá e uns cortes nos seus extremos moi rectos e ‘limpos’.

É difícil obter imaxes destes icebergs, porque a súa forma muda rápidamente debido á erosión

A NASA sinalou que se trata dun dos chamados icebergs tabulares, que estaba aboiando entre moitos outros bloques de xeo de diversos tamaños, e que acababa de desprenderse da gran plataforma de Larsen C. “A forma dos ángulos do iceberg e a superficie chá indican que probablemente se desprendera pouco antes da plataforma”, sinalou a axencia.

Calcúlase que o iceberg fotografado nas pasadas semanas ten máis de quilómetro e medio de longo. Porén, hai que subliñar que sobre a superficie está só o 10%. Ademais, o efecto da auga, o vento, a calor do sol e o choque con outros grandes bloques modifican continuamente a súa forma; por iso é complicado obter fotografías deles.

Unha unlla que se rompe

Segundo explicou no portal Live Science a científica Kelly Brunt, investigadora da universidade de Maryland que traballa coa NASA, estes fenómenos prodúcense a semellanza dunha unlla que medra moito e ao final rómpese. En contadas ocasións, estes anacos de xeo medran dentro de grandes plataformas ata que, nun momento dado, rompen de súpeto debido á presión acumulada.

Unha resposta a “Por que hai icebergs rectangulares na Antártida?”

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.