A Gran Barreira de Coral, un dos maiores tesouros naturais da Terra pola súa riqueza e extensión, leva xa tempo en perigo pola ameaza que o cambio global supón para o seu delicado equilibrio ecolóxico. Xa leva tempo sufrindo unha especie de “embranquecemento” por mor do aumento da temperatura da auga. Varias das especies de coral están no límite de tolerancia, e as algas que viven preto e lle dan cor ao realizar a fotosíntese desaparecen do lugar, polo que os corais acaban morrendo en moitos casos. Ademais, o impacto de varios ciclóns na rexión golpeou tamén con dureza a Gran Barreira.
E agora foi a escorrentía provocada por un ano de grandes precipitacións na rexión de Queensland, en Australia, o que provocou un aluvión de sedimentos que chegou ata o arrecife. Así o amosan as imaxes tomadas desde o satélite, con augas turbias adentrándose no mar durante decenas de quilómetros. Imaxes aéreas publicadas por AFP tamén amosan que os sedimentos sepultaron o coral cunha capa de lodo, que podería danar estas zonas da Gran Barreira, impedindo o paso da luz do Sol.
Smothering life: Runoff from recent floods in Australia is flowing onto parts of the Great Barrier Reef starving coral of light https://t.co/Dv4iR5Awsg
📷 Matt Curnock / TropWATERJCU pic.twitter.com/K76GOzq0i7
— AFP news agency (@AFP) 15 de febrero de 2019
O temor para os científicos é que as augas procedentes dos ríos conteñan substancias utilizadas na agricultura que poidan danar o coral, como advertiron universidades como a James Cook.
These images show the sediment laden waters of the Burdekin River flood plume extending out to Old Reef on the midshelf of the central Great Barrier Reef, approximately 32 nautical miles (or 60km) offshore. 📸: Matt Curnock.
Learn more: https://t.co/BC54o8vuEr pic.twitter.com/CXbhixhoCI— James Cook Uni (@jcu) 14 de febrero de 2019
