Os ceos galegos tamén se están a ver afectados polo po sahariano que tinguiu de laranxa algunhas rexións de España. A borrasca Celia, que envía unha fronte que deixa chuvia intensa en Andalucía, serve de motor para impulsar o po en suspensión procedente do deserto que chega a Galicia. A excepcionalidade deste episodio causou moita expectación na poboación, e non foron poucas as persoas que compartiron en redes sociais imaxes do fenómeno.
https://twitter.com/manuelreyp/status/1503740597731045377
Esta manta de po que se estende polo territorio español afecta de forma desfavorable a calidade do aire, podendo ter repercusións na saúde. Segundo MeteoGalicia, a calidade do aire na comunidade galega é, polo xeral, favorable. Non obstante, algunhas estacións rexistraron altos niveis de concentración de partículas PM10, como a de Laza, Lalín, Xinzo da Limia, A Coruña-Torre de Hércules e Oural e outras catalogaron o aire como “regular”. En cambio, no mapa de calidade do aire da Axencia Estatal de Meteoroloxía (Aemet) si que pode observarse na provincia de Ourense unha zona con calidade desfavorable.
Polvo suspensión en Galicia, con la Calima así a esta hora , en #guitiriz (Lugo) @tiempobrasero @tuestadavid @Armeteo @slaplana_tve @Antena3Galicia @OTempoTVG pic.twitter.com/B7J4JLieCX
— Adrián (@Adrin29472450) March 15, 2022
